Tuesday 5 September 2017

11:52 p.m.

今晚在的士站等了五分鐘,終於等到電召的那輛紅的。
今次是位挺年輕的司機大哥,一上車,他先開口:「呢頭附近都係會計公司呀嘛,你咁早收工嘅?」
我看看咪標旁的跳字時鐘:11:52
「哦,咁都算早咩?」
「係囉,十一點幾都未夠十二點,算早啦」
短短十秒,我心中已有幾個Wow😲
第一,中環金鐘一帶商廈林立,的士哥哥從我身上哪個裝扮、哪件物件,看得出我跟會計二字扯上關係?
第二,何況你覺得正常的會計師應該未放工,還是我額頭早在鑿上「會計仔」三個字?
第三,將近十二時還算早嗎?
一眼便被你看穿,看他自信滿滿的眼神,我投降了。
「被你猜中了,係呀,會計嘛,係夜少少㗎啦。」
的士哥哥擺出「我知呀」的姿態,滔滔不絕展示他對行業的了解。
「我知,四間呀嘛,你呢度兩三點好多人叫車,所以你算早啦」
「太古一期、太子大廈,還有中信嘛」
「呢排報稅期好忙,我知呀」
之後他連珠發炮出Q。「你們是否每年都加人工?」「做多久可以升至合伙人?」「每天何時上班?」反正有一段時間沒有遇過會跟乘客攀談的的士司機,又難得我不睏,那就盡清吧。
車輛在高速公路奔馳,他愈說愈起勁。
「我知,啲老嘢唔走,你地做細嘅又點升呢?」
「吓?咁你放兩三點,第二日又要返九點,咁咪唔夠訓囉?!」
下刪N句。
我講一句,他講十句。他講完十句,又要我答一句。全程車,他不是回答「我知」,就是「吓」,看來經過這趟車程,他對會計一行又有新認識。
車在紅燈前停下,他從倒後鏡看一看我。
「呀!你知唔知附近邊度有宵夜賣?」
「除了7仔,er...唔知」
還差三分鐘路程,讓我再想想家附近哪裡會有宵夜。
「我真係諗唔到喎,宜家咁夜⋯⋯」
「咁呀⋯⋯我想食香⋯⋯」
「吓?」今次輪到我吓了出聲,食咩香?
「唔知唔緊要啦,等陣我問吓人。」
在倒後鏡,我能把他的容貌看得一清二楚。頭髮前蔭長度及眉,雙眼瞪得比我大,口大大,有下巴的。
轉個彎返抵家樓下,司機哥哥開燈,打單,找錢時又吓:
「嘩!睇你好後生jor喎,有排⋯⋯
(停頓了半秒,有排什麼呢?)
有排⋯⋯(先)升職呀你。」
多謝晒LOL
P.S. 打完才發現,今天是七月十四。不。是昨天了。宜家諗返個心都離一離,究竟的士哥哥想食咩香呢?Anyway,好眼訓,Goodnight。

No comments:

Post a Comment