Sunday 27 May 2018

你會在Weekend Check Email嗎?

在Blackberry仍在的年代,彷彿只有高層人士才可以獲得隨時隨地check email的權利。多得科技發達,現在不少公司都容許員工在個人手提電話安裝email app,連Blackberry都可以省掉,高中低層人人都能在週末、假期連上公司郵箱,無時無刻追貼公事。
應否在手提電話安裝email app,這討論經常在同事間出現。
(以下對話只限經理級以下人士,經理級以上全部都會裝)
同事M:裝,方便做嘢嘛
同事N:唔裝,返工仲check唔夠?
同事O:裝,老闆搵你要即時報到
同事P:唔裝,就係唔想老闆搵到我
同事Q:裝,要搵你Whatsapp都搵到你,反正避唔到,check咗冇嘢就唔會忐忑不安
同事R:唔裝,check咗有嘢做咁你係咪做呀?
我起初抗拒,但在一次放長假前,Senior給了我兩條路,要不裝公司email app,要不帶電腦去旅行。兩害取其輕,我選擇了前者,公司的電郵就如Whatsapp message一樣,超越時間、國家限制間中就彈出來。當你在IG出Post時,叮叮,被CC的"XXX Request list..."遮住了加hashtag的按鈕;當你在拍港女式食物照時,叮叮,FYI的"Task allocation"打擾了當刻的興致。然後,遲鈍且聰明的我終於找到了關掉notification的按鍵,一切回歸平靜。
雙藍剔不代表對方會覆,那麼裝了email app也不等於我會看。眼見身邊不少人中了check email毒,check到有事會緊張,check到無更新反而更為忐忑,那何苦呢?
不過......不過......不過......今天輪到我不斷refresh email,老闆大人,明天就是deadline了,你到現在還不回覆那我明天怎交貨噢?我不想再次連吃飯、飲水也沒時間,然後OT到11:59......
我是同事S - Sunding:裝,唔係點chur老闆睇我份功課?宜家Check到無嘢仲大鑊。