咖啡杯都企不穩 我飲

咖啡杯都企不穩 我飲

雖然Starbucks很少再會親筆寫上我的小名，但Pacific Coffee vs Starbucks，我還是會選後者。
#審計新丁 #明明我可以大叫 #飲過再上路

網友來信：你有冇試過燥個客底？

有，我認我有黑過面、燥過底。

最近被一時一樣的Client激親，EQ不算高的我，即使按著怒火不當場反抗，一轉身還是忍不住bilibala連珠發炮抓狂。愈講愈燥，愈講愈炆。

有次跟FC傾Adjustment，當事人一如以往不想改數，但她今次遇著唔識死、包拗頸的新丁。
(新丁單挑FC)「真係錯喎，Provision都唔係咁計，我地計左個數出來，你望望先啦」
(FC無視新丁)「唉吔，好細之嘛，咁細唔改啦，你地用Mat Level搞掂佢啦」
(大細你話事架咩)「細過Mat Level我都同你搞掂佢啦，但呢個真係唔得嘛」
(FC出絕招)「總之我覺得係咁就係咁，我唔改架啦」

喂大佬，以理服人好喎。嘥氣，跟一個不想講道理的人講理性可謂天方夜譚。回到Audit Room，一關上大門，對著In-charge一輪嘴講Client怎樣回應我們Adjustment的要求。In-charge聽罷出去再跟FC理論，可惜他比我更腍善，大家都是無功而還，更因為FC那句「我覺得係咁就係咁」而氣上心頭。

遇上無理的Client，你可以黑佢面、燥佢底，但絕不能「爆」佢，即是不可以當面開片鬧交。不幸收Complaint的話，你水洗都唔清。有同事會返房不斷講粗口，走去Secret打幾句，或者放工打下拳。冷靜者會跟高層反映Client不合作的情況，希望老闆出手對付。新丁偏向暴力，喜歡打機。這個Smash Office陪我由考QP玩到今時今日，樂此不疲。

#發泄小法
#smashtheoffice
#打人係唔啱架
#打機就得
#審計新丁

特首辯論

睇完兩小時特首辯論，
你地兩個做喜劇呀？
定係示範咩係推波？

#仲有一個路人
#嬲嬲underdog #留喺office儲likelike
#你係主場你講晒佢啦 #主流唔支持記得辭職
#lastshotisbdo
#我們未來的特首是這樣的 #godblesshk

食埋今餐減肥

「食埋今餐減肥」，同「捱埋呢個Peak Season辭職」一樣，你作為旁人都係聽下算啦。

別怪這些人煩厭，他們不像那些「租約期滿，最後一天」般有騙人的意圖，他們不過是想騙倒自己，因為說出口的感覺好像踏實一點。

#最踏實的從來都不是只說不做的人
#同事們辛苦啦
#三月
#好快到終點
#新丁親愛的舊同事
#加油
#審計新丁

Big4四間有什麼不同？ (搞笑ONLY)

網友來信：Big4四間有什麼不同？
新丁：冇咩唔同，四間都係私營機構，四間都有男人同女人。
完。

#媽媽是女人

有一種關係叫Facebook Friends的關係

這是2008年，Facebook面世後四年，我才開Facebook Account。那時候，Xanga已經不流行，找朋友都用MSN，那Facebook上的Friends又是什麼人呢？

第一批Add的是同班同學，因為當時有班相要Share，所以很多人都因而開Account。Facebook是為了Tag相，就是當時Facebook存在的目的。

之後，小學、初中的同學，上興趣班認識的朋友，見過一兩次但熟稔程度未至於用MSN，但又想留下聯絡方法的朋友，都會加大家的Facebook。

最特別的一位是在Festival Walk認識的。當時我和同學放學後到Food Court食下午茶（其實都係吉野家），遇上一名年輕日本女生搭枱。交談下知道她來香港是為了一個跳舞活動，正好我的同學也是熱愛跳舞的人，大家談得很投契。臨走時，雙方都意猶未盡，日本妹主動詢問我們的FB，就成為了我的Facebook第一位外國人。那時未有Smart Phone，還是用紙筆留Email的年代。

升上大學後，社交圈子突然擴大幾倍。同系的，同宿舍的，同校的，朋友的朋友，見過面都算Friends。而這堆So-called Friends，起初興致勃勃地Add大家，但有一半在Add後再也沒有說過一句話。

之後，Facebook出現了Acquaintance的選擇，我便把那些「知道是誰，但不會交談」的人分到這類別。親疏有別，這中國傳統思想，在西方的世界完美展示。

事情發展到，連以前你以為Close的朋友，你都要透過Facebook才知道他們的近況。
「阿May畢業之後去左做老師喎。」
「Karl原來都係做Auditor？佢明明讀Marketing架嘛，噢係喎，Year 2佢轉左系喎。」
「Winnie同Cyrus結婚啦，拍左8年拖啦佢地」

這一類曾經好Friend，但現在一般Friend的人。不忍心放到Acquaintance，那就由得他們留在基本Friends。

社交圈子繼續隨著年齡以幾何級數向外發展，工作上的大忌是Add同事。如果上司同事主動Add，而你又真係唔想Add，但又不能Say No，我就會Add完Friend順便Add埋Restricted。即使你跟同事在公司有多Friend，公事和私事最好分開少少。有人因此會有兩個或以上的Account。一個用來Add同事，做形象工程，另一個就真Account。

即使Facebook Memories每日都會彈當年今日你跟誰誰誰成為朋友，但連相識經過都想不起的，就可以直接Unfriend了，反正另一邊廂也老早記不起你是誰。